HÁBITOS SAUDABLES.

Para medrar fortes, sans e felices é necesario practicar hábitos saudables:

• Hixiene adecuada: ducharse, lavar as mans e lavar os dentes.

• Exercicio físico: facer exercicio físico.

• Descanso e tempo libre: descansar e xogar cos amigos.

• Alimentación correcta: comer variado e moitas froitas e verduras.

OS MÚSCULOS.

O corpo está formado por músculos. Os músculos son brandos e elásticos, e pódense estirar e encoller. Serven para recubrir os ósos e producir movemento. Os músculos únense aos ósos mediante os tendóns.

OS ÓSOS E AS ARTICULACIÓNS.

O corpo humano está formado por ósos. Tódolos ósos do corpo forman o esqueleto. 

Os ósos son duros e ríxidos, sosteñen o corpo e protexen o interior do corpo.

As articulacións unen os ósos entre si e permiten dobrar o corpo.

AS ARTICULACIÓNS

OS CINCO SENTIDOS.

Grazas aos sentidos coñecemos o que sucede ao noso arredor. As persoas temos cinco sentidos:
- o oído: a través dos oídos somos capaces de diferenciar sons.
- a vista: a través dos ollos distinguimos as cores, as distancias, os tamaños e as formas.
- o gusto: a través da lingua percibimos sabores: doce, salgado, amargo, acedo.
- o olfacto: a través do nariz percibimos olores.
- o tacto: a través da pel/man sentimos o frío e a calor, o duro e o brando, o liso e o rugoso...

Para repasar déixovos un enlace a uns xogos:

https://www.cerebriti.com/juegos-de-ciencias/los-cinco-sentidos-del-humano#.WpLM7ajOU2w

AS ETAPAS DA VIDA.

Ao longo da vida, as persoas medramos e cambiamos. Estas son as etapas da vida das persoas:


1ª Etapa: Infancia.
- Aprendemos a falar e a camiñar.
- Cambiamos moi rapidamente.
- Medramos moito.

2ª Etapa: Adolescencia.
- O corpo prepárase e medra para transformarse no dun adulto.
- Época de rebeldía e independencia.

3ª Etapa: Idade adulta.
- O corpo xa non medra máis, está totalmente desenvolto.
- O corpo está preparado para a reproducción.

4ª Etapa: Ancianidade.
- O corpo debilítase.
- Aparecen as engurras e as canas.
- As persoas teñen moita experiencia.

AS PARTES DO CORPO

As principais partes do corpo son:

- a cabeza: cranio e cara.

- o tronco: tórax e abdome.

- as extremidades: superiores (brazo, antebrazo e man) e inferiores (coxa, perna, pé).